Сайн мэдээ: Монгол улсын нүүрсний экспорт өмнөх саруудаас өслөө


Нүүрсний экспортын үзүүлэлт. 2019.12-2020.06. Эх сурвалж: Үндэсний статистикийн хороо

Коронавирусний цар тахлын эдийн засгийн хүндрэлийн улмаас нүүрсний гол хэрэглэгч зах зээл болох БНХАУ-ын коксжих нүүрсний импорт 4.79 сая тонн болж, жилийн өмнөхөөс 19 хувиар, сарын өмнөхөөс 24 хувиар буурсан талаар Sxcoal.com мэдээлжээ. Улмаар импортоор худалдаж авсан коксжих нүүрсний үнэ тонн тутамдаа дунджаар 117.9 ам.доллар болж, жилийн өмнөхөөс 10 ам.доллар, сарын өмнөхөөс 16 ам.доллароор буурсан байна.

Хятадын нүүрсний томоохон экспортлогч Австралийн Засгийн газар коронавирусийн цар тахал дэгдээсэн хэрэгт БНХАУ-ыг холбогдуулан шалгах уриалгыг олон улсын хамтын нийгэмлэгт гаргасан нь хоёр улсын харилцаанд нөлөөлж, Хятадын Засгийн газар төрийн өмчит цахилгаан станцуудад Австралийн нүүрсийг худалдаж авахгүй байхыг анхааруулсан байна.

ОХУ-ын хувьд тус улсын Эрчим хүчний яамны тооцоогоор, 1-5-р сард экспортолсон нүүрсний хэмжээ өнгөрсөн оны мөн үеийнхтэй харьцуулахад 9.25 %-иар буурсан үзүүлэлт болжээ.

Үндэсний статистикийн хорооноос мэдээлснээр, энэ оны эхнээс 06 дугаар сарын 28-ны өдөр хүртэлх хугацаанд Монгол Улс нийт 8.5 сая тонн чулуун нүүрсийг 677.7 сая ам.доллароор экспортолжээ. Энэ оны дөрөвдүгээр сарын эхний 15 хоногийн байдлаар нийт 400 мянган тонн нүүрс экспортолж байсан бол тавдугаар сарын эхний хагаст 881.6 мянган тонн нүүрс экспортолсон нь хоёр дахин өссөн дүн болсон. Гэвч 2019 оны тавдугаар сарын эхний 15 хоногт 1.6 сая тонн нүүрс экспортолж байсантай харьцуулахад 45%-иар бага дүн болов.

БНХАУ-ын нүүрсний зах зээллийн мэдээллийн гол платформ Sxcoal.com-д нийтлэлч Алекс Гуо 7-р сарын 23-ны өдөр Тавантолгой-Гашуунсухайт чиглэлийн 267 км төмөр зам болон Тавантолгой-Зүүнбаян чиглэлийн 414.6 км төмөр замын бүтээн байгуулалтын явцын тухай мэдээлж, бүтээн байгуулалтын ажлын газар шорооны ажил 93 хувь, ус зайлуулах хоолойн ажил 85.89 хувь, гүүрийн ажил 37.42 хувь, эрчим хүчний ажил 18.02 хувь, худаг усны ажил 100 хувь, бетон дэр үйлдвэрлэл 38,98 хувь, буталмал чулуун чигжээс 49,11 хувь, өртөө, зөрлөгийн барилгын ажил 42 хувь, замын дээд бүтэц буюу төмөр замын үе тавих ажил 11.3 хувийн гүйцэтгэлтэй, эрчим хүч татах ажил үргэлжилж байна гэж дурджээ. Алекс Гуо “энэхүү бүтээн байгуулалт нь шинэ ахиц дэвшлийг бий болгох болно” гэж дүгнэсэн бөгөөд уг мэдээ нь тус сайтын хамгийн их уншилттай мэдээний нэг болсон ажээ.

Коронавирусний цар тахлын эдийн засгийн хүндрэлээс үүссэн хямрал нүүрсний зах зээлд үргэлжилсээр байгаа ч улс орнуудын БНХАУ-д нийлүүлсэн нүүрсний экспортын хэмжээ коронавирусний оргил үетэй харьцуулахад өссөн үзүүлэлттэй байна.



0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Х.Булгантуяа: Цалинтай ээжийн 50 мянгыг нэмэх санал хүргүүлсэн 9 цагийн өмнө
Ирэх сард ихэнх нутгаар хүйтэн байна 9 цагийн өмнө
Ирэх сарын 1-нээс эмч, багш нарын үндсэн цалин нэмэгдэж, 1.4 сая төгрөгт хүрнэ 10 цагийн өмнө
Зам засварын ажил ирэх сарын 10-наас эхэлнэ 11 цагийн өмнө
​П.Баттөр: Хоёр охиноо төрөхөд хүйг нь тасалж байлаа, эхнэрээ яаж зовж төрснийг харсан эр хүн гэр бүлээ хэзээ ч орхихгүй байх 12 цагийн өмнө
Монгол, солонгосчууд хамтдаа “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ 13 цагийн өмнө
Сурагчид өнөөдөр хичээллээд амарна 13 цагийн өмнө
Танилц: Өнөөдөр цахилгаан хязгаарлах байршлууд 13 цагийн өмнө
Ойрын хоёр хоногтоо салхитай хүйтэн байна 13 цагийн өмнө
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна Өчигдөр
​Б.Баярсайхан: Намайг төрд хэрэгтэй гэвэл би нэр дэвшинэ Өчигдөр
Бага тойруугийн 30 гаруй байршилд өдрийн цагаар зогсоол хамгийн эрэлттэй байна Өчигдөр
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна Өчигдөр
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана Өчигдөр
Дөрөвдүгээр сард зохион байгуулагдах хүчит бөхийн барилдааны хуваарь Өчигдөр
Хүүхдийн паркт амьтны хүрээлэн ажиллаж байна Өчигдөр
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно Өчигдөр
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих Өчигдөр
Өнөөдөр цахилгааны хязгаарлалт хийх байршлууд Өчигдөр
Цасан шуурганаар сураггүй болсон хоёр иргэнийг хайж байна Өчигдөр