Хүний амь хөнөөсөн гэх Төв аймгийн цагдаа нарыг шүүх хурал товлогдлоо

2019 оны 9 сарын 23-ны өдөр Төв аймгийн Угтаалцайдам сумын эмнэлэгт 61 настай, эрэгтэй хүн нас барсан.  Талийгаачийн аминд  Төв аймгийн Цагдаагийн албан хаагчид болох У, Ө нар хүрсэн гэх шалтгаанаар хуулийн байгууллагад шалгуулж байгаа юм. Мөрдөн байцаалтын явцад цагдаагийн алба хаагч У,Ө нар хуульд заасан үндэслэлгүйгээр биеийн хүч хэрэглэсэн учраас талийгаачийн зүрхний архаг цус хомсрох өвчинг сэдрээсэн нь тогтоогджээ. Үүнээс гадна гэрчийн мэдүүлэгт талийгаачийн архаг өвчин сэдэрч амьсгалж чадахгүй, ухаан алдах үед нь тухайн цагдаагийн алба хаагчид *Ямар бааштай п*** вэ гэж үл тоомсорлосныг ч дурьдсан байна. Уг хэргийг аймгийн прокурорын зүгээс хүний амь насыг болгоомжгүйгээр хөнөөсөн гэж үзэн яллах дүгнэлт үйлдээд байгаа юм.Тус хэрэг прокуророос яллах дүгнэлттэй шүүхрүү шилжсэн бөгөөд цагдаа нарыг гэм буруутай гэж Прокурор  үзсэн байна. Яллагдагчаар татагдсан цагдаа нар өнөөдрийг хүртэл ажлаа хэвийн хийж байгаа юм. Харин тэдэнд холбогдох шүүх хурал  хоёр удаа дараа хойшилж байгаа бөгөөд 11-р сарын 09-нд Төв аймгийн шүүхэд товлогджээ.