2020 оны зургаадугаар сарын 7-8 нд шилжих шөнө 26 настай эмэгтэй учир битүүлгээр амиа алджээ. Хэрэг явдлыг тодруулбал энэхүү харамсалтай үйл явдал Баянгол дүүргийн Нарны хорооллын 13-р байранд болсон юм. Тус хэрэгт Хан-Уул дүүрэг дэх Цагдаагийн хэлтсийн Ж, Э болон Нийслэлийн цагдаагийн газрын Б нарыг холбогдуулан Цагдаагийн Ерөнхий газрын Мөрдөн байцаах албаны Тусгай субьектийн үйлдсэн гэмт хэрэг мөрдөх хэлтэст эрүүгийн хэрэг үүсгэн шалгаж байгаа аж.
Талийгаачийн шүүх эмнэлгийн дүгнэлтээр өндрөөс унасан учир амиа алдсан гэжээ. Талийгаачтай хамт байсан ХУД дэх Цагдаагийн хэлтсийн албан хаагч Ж нь хэрэг гардаг өдрийн дараанаас өөрийн хүсэлтээр ажлаасаа чөлөөлөгджээ.
Талийгаачийг хүчиндсэн байж болзошгүй ул мөр үлдсэн байх магадлалтай бөгөөд түүний хэрэглэж байсан ариун цэврийн хэрэгслээс эр бэлгийн эс илэрсэн гэх мэдээллийг эх сурвалжууд бидэнд мэдээлж байна.
Цагдаа нь цагдаагийнхаа үйлдсэн гэмт хэргийг хэрхэн шийддэг, хохирогчийн асуудлуудыг хэрхэн анхаардаг вэ гэдгийг Зариг цаг, тухай бүрт нь сурвалжлах болно.
Сэтгэгдэл (0)
Сэтгэгдэл бичигдээгүй байна