Цэл залуухан, эрүүл биетэй цагдааг өвчтэй байсан учир нас барсан гэж шүүх эмнэлэг үзжээ

Өнөрцэцэг

2020/10/20

2020 оны есдүгээр сарын 19-20 нд шилжих шөнө өглөөний 06 цагийн орчимд Сэлэнгэ аймгийн Баруун бүрэн суманд байрлах “Амарбаясгалант” хийдийн ойролцоо байдаг жуулчны баазад 27 настай Б нас баржээ. Тодруулбал Б нь Орхон аймгийн Цагдаагийн газарт ажилладаг байжээ. Орхон аймгийн цагдаагийн 25 албан хаагч тус амралтын газар амарч байсан бөгөөд ийнхүү залуухан цагдаа гэнэт нас барсан байна. Хэргийн газарт цагдаагийн газраас ажлын хэсэг гарган шалгасан юм. Талийгаач Б-гийн цогцост хийсэн шүүх эмнэлгийн дүгнэлт гарсан бөгөөд түүнийг элэг, нойр булчирхай хавсарсан архаг үрэвсэлтэй учраас нас барсан гэжээ. Харин талийгаачийн ар гэрийнхэн шүүх эмнэлгийн энэ дүгнэлттэй санал нийлэхгүй байгаа бөгөөд эв эрүүл байсан гэж үзэж байгаа юм байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ