Хөдөлмөрийн үндэсний намын даргаар Т.Доржханд сонгогджээ

Хөдөлмөрийн Үндэсний Намын даргаар УИХ-ын гишүүн Т.Доржханд сонгогджээ. Өчигдөр буюу 2021 оны 01 сарын 14-ний өдөр Хөдөлмөрийн Үндэсний Намын Их хурал цахим хэлбэрээр явагджээ.

Энэхүү хурлаар тус намын дарга Б.Найдалаа үүрэгт ажлаасаа чөлөөлөгдөх хүсэлт гаргасныг хэлэлцэн шийдвэрлэж, ХҮН-ын шинэ даргаар УИХ-ын гишүүн Т.Доржхандыг сонгожээ.

Мөн намын их хурлаар Удирдах зөвлөлийн даргаар Б.Найдалааг, Ерөнхий нарын бичгийн даргаар П.Ганзоригийг, Хариуцлагын ерөнхий хорооны даргаар А.Дөлгөөн нарыг тус тус дэмжсэн байна.