2021/02/26
USD 2,811

Сэлэнгэ аймгийн Ерөө суманд байрлах компанид ээлж солилцохоор очсон нэг хүнээс коронавирус илэрчээ

Н.Мичидмаа
2021/02/01

Монгол Улсын Ерөнхий сайд Л.Оюун-Эрдэнэ, Шадар сайд С.Амарсайхан нар ОБЕГ-т ажиллаж байна.

Энэ үеэр Сэлэнгэ аймгаас нөхцөл байдлын мэдээллийг танилцууллаа. "Сэлэнгэ аймгийн Ерөө суманд байрлан үйл ажиллагаа явуулдаг Болд төмөр Ерөө гол гэдэг компани энэ оны нэгдүгээр сарын 31-нд ээлж солилцох ажлыг зохион байгуулсан. Уурхай дээр 520 ажилтан байсан бөгөөд 534 ажилтан нь ээлж солилцохоор Улаанбаатар, Дархан, Орхон болон бусад аймгаас ирсэн юм. Улаанбаатар хотын ЧД-т оршин суух хаягтай ч  Сонгинохайрхан дүүрэгт оршин суудаг нэг иргэнээс түргэвчилсэн оношлуураар шинжилгээ хоёр удаа авахад эерэг гарсан учраас PCR шинжилгээ авсан. PCR шинжилгээний хариу өнгөрөгч шөнийн 02:00 цагт эерэг болох нь батлагдсан. Тиймээс аймгийн онцгой комисс хуралдаж, газар дээр нь очиж ажиллахаар 04:00 цагт хөдөлсөн” гэв.