Сэлэнгэ аймгийн Зүүнхараад ЕБС-ийн гурван багш нийлж, хоёр сурагч охиныг хүчиндсэн гэх мэдээлэл байна.
Тодруулбал 10 гаруй хоногийн өмнө тус аймгийн Мандал сумын 2-р сургуулийн Англи хэлний багш М, 4-р сургуулийн Биеийн тамирын багш Т, 3-р сургуулийн сургуулийн Газар зүйн багш А нар нийлж Сэлэнгэ аймгийн ЕБС-ийн 9-р ангийн сурагч охидыг нийлж хүчирхийлсэн байж болзошгүй хэргээр саатуулагдаад байгаа юм байна.
Багш нар архидан согтуурах үеэрээ сурагч охидыг Зүүнхараад байх Нарны-Өртөө гэх зочид буудалд дуудаж хүчиндсэн гэх мэдээлэл байгаа юм.
Бид энэ асуудлаар Сэлэнгэ аймгийн 4-р сургуулийн захирлаас утсаар тодруулахад, "бид байгууллагын хуралтай байна, мэдээлэл өгөхгүй" гээд утсаа салгалаа.
Мөн Сэлэнгэ аймгийн 2-р сургуулийн захирлаас мэдээллийг утсаар тодруулахад "тийм зүйл сонсоогүй, манайхан онлайнаар хичээлээ орж байгаа" гэх тайлбарыг өглөө.
Зүүнхараагийн цагдаагийн байгууллагын нийтийн хэв журмын даргаас тодруулахад "Хэрэг шалгагдах ажиллагаа үргэлжилж байгаа, нэмэлт мэдээлэл өгөх боломжгүй" гэлээ.
Сэлэнгэ аймгийн удирдлагуудаас тодруулахад тийм хэрэг цагдаагийн байгууллагад шалгагдаж байгаа гэх тайлбарыг өгсөн юм.
Манай сайтын зүгээс энэ асуудлыг үргэлжлүүлэн сурвалжилж манай сэтгүүлч Н.Өнөрцэцэг БСШУ-ны сайд Л.Энх-Амгалангаас тодрууллаа.
Сэлэнгэ аймгийн Мандал сумын ЕБС-ийн гурван багш нийлж сурагч охидыг хүчирхийлсэн байж болзошгүй гэх хэргээр Цагдаагийн байгууллагад шалгагдаж байгаа юм байна. Энэ асуудлын талаар танд мэдээлэл бий юу?
-Надад мэдээлэл ирсэн. Нэгдүгээр сарын 25-ний шөнө ийм хэрэг гарсан юм байна. Ийм сэтгэл эмзэглүүлсэн хэрэг гарсанд нийт сурган хүмүүжүүлэгч, багш нарынхаа нэрийн өмнөөс хүлцэл өчиж байна. Алдаа дутагдал гаргасан ийм хэрэг гарсан юм билээ. Сэлэнгэ аймгийн Мандал сумын хоёр сургуулийн гурван багш нийлж 12 дугаар ангийн хоёр сурагчтайгаа хууль бус харилцаанд орсон байж болзошгүй гэх хэргээр цагдаагийн байгууллагад шалгагдаж байгаа юм байна. Цагдаа хууль хүчний байгууллагууд тодорхой мэдээллүүд өгөх байх.