Өвөрхангай аймгийн Уянга сумын Бадрал багийн “Чандагтай” гэдэг газар /аймгийн төвөөс баруун хойд зүгт 100 км, сумын төвөөс баруун зүгт 30 км/ Малчин Ш-ийн 5 ханатай гэр, суудлын автомашин 02.03-ны өдрийн 11:00 цагийн орчимд шатсан тухай мэдээллийг 02.03-ны өдрийн 12:10 цагт хүлээн авчээ.
Тус аймгийн Онцгой байдлын газар, Цагдаагийн алба хаагчид, Уянга сумын Засаг даргаар ахлуулсан иргэд мөн өдрийн 12:20 цагт очиж малчин Ш-ийн 5 ханатай гэр, “Приус-20” загварын суудлын автомашин шатсан шалтгаан нөхцлийг тогтоон ажилласан байна. Уг гал түймэрт С/2 настай, эмэгтэй/ хүүхэд өртөж нас барсан харамсалтай хэрэг гарчээ.
Иймд иргэдийг гал түймрийн аюулаас сэрэмжтэй байхыг анхааруулж байна.
Эх сурвалж: ОБЕГ
Сэтгэгдэл (0)
Сэтгэгдэл бичигдээгүй байна