Нийслэлийн эрүүл мэндийн газрын даргаар ажиллаж байсан Л.Төмөрбаатар өнгөрөгч оны дөрөвдүгээр сарын 16-нд нэгэн тушаал гаргажээ. Тодруулбал, дэлхий нийтийг хамарсан шинэ төрлийн коронавируст халдвараас иргэд олон нийтийг хамгаалах урьдчилан сэргийлэх зорилгоор улсын хэмжээнд онцгой дэглэм тогтоосонтой холбоотой шинэ төрлийн коронавирусийн эрсдлээс сэргийлэх үйл ажиллагааг үр дүнтэй зохион байгуулж буй харьяа эрүүл мэндийн байгууллагын удирдлагыг урамшуулах, урамшууллын хэмжээг хавсралтаар батлахдаа 29 даргад үндсэн цалингийн урамшуулал гэж 80-100 хувийн урамшуулал олгох тушаал гаргасан баримт байна.
Өнгөрсөн жилийн дөрөвдүгээр сард энэ оныг бодвол, манай улс дотооддоо халдвар алдаагүй, эрүүл мэндийн байгууллагынхан ачаалал бага байсан. Гэвч энэ тайван үед НЭМГ-ын газрын даргаар ажиллаж байсан Л.Төмөрбаатарт 29 дарга нь өр өвтгөм харагдсан бололтой.
Мөн өнгөрсөн жил хотын даргаар ажиллаж байсан С.Амарсайхан нэр бүхий 21 албан тушаалтанд нэг сая төгрөгийн урамшуулал олгосон. Харин дарга нар нь дансандаа хэдэн сарын өмнө сая төгрөг орсныг ч мэдэхгүй, эргүүлээд өгөх боломжтой гэх хариултууд өгч байв.
Жинхэнэ галын шугаман дээр, халдвартай, эрсдэлтэй орчинд нойр хоолгүй зүтгэж буй олон мянган ажилчдын өмнөөс дарга нар нь шагнуулдаг шинэ жишиг бий болсон бололтой.
°C
Сэтгэгдэл (88)