О.Амгаланбаатар: Бөхийн барилдааныг Алтайн нэг ч иргэнд эрсдэл үүсгэхгүй байхаар зохион байгуулах байсан

Говь-Алтай аймгийн засаг дарга О.Амгаланбаатар: Манай улсад коронавируст халдвартай үед Говь-Алтай аймагт бөхийн барилдааныг хэрхэн зохион байгуулах гэж байсан талаар мэдээлэл өгөх гэсэн юм. Манай аймагт эрсдэл гаргахгүй хийх дээр хүмүүс санаа зовж байсан. Үндсэндээ УБ хотоос 3 онгоц хөлсөлж, тухайн онгоцны зардлыг МҮБХ-оос хариуцахаар байсан. Бидний зүгээс халдвар хамгааллын шаардлага хангасан автобусаар аймгийн спорт хорооны гадаа тэр хүмүүсийг буулгана. 150 гаруй хүмүүс барилдаанаа өөрсдөө зохион байгуулна.Бидний зүгээс тэдгээр хүмүүстэй нэг ч хүн уулзахгүй, нэг ч хүн хавьтал болохгүй байсан. Ямар ч эрсдэл үүсэхгүй, тэдгээр хүмүүс 11-нд барилдаанаа зохион байгуулаад орой нь буцаад нисчих байсан. Ингээд бөхийн барилдааныг ямар ч эрсдэлгүй зохион байгуулах боломжтой гэдгийг бид бүх талаас нь судалж үзсэн. Бид Алтай хотынхоо иргэдийг аюулд оруулахгүй байсан.