НЭМГ нэг бүрийг нь 20 мянган төгрөгөөр тооцож, нийт 400 сая төгрөгөөр N95 амны хаалт авах тендер зарлажээ

НЭМГ-аас энэ сарын 05-нд зарлаж 08-ны өдөр  хүртэл хүлээн авах хугацаатай нэгэн тендер зарлажээ. Тодруулбал энэхүү тендерийг давчуу хугацаанд тэр тусмаа Баасан гаригт зарлаж Даваа гариг хүртэл хүлээж авах талаар мэдээлжээ.

Нийслэлийн эрүүл мэндийн газар N95 халдвараас хамгаалах амны хаалтыг авах бөгөөд, Эрүүл мэндийн салбарынханд зүүлгэх аж.

Ингэхдээ Нийслэлийн Эрүүл мэндийн газар 20 мянган ширхэг амны хаалтыг нэг бүрийг нь 20 мянган төгрөгөөр, нийт 400 сая төгрөгөөр худалдан авах тендер зарлажээ.

N95 амны хаалтны үнийг amazon.com худалдааны сайтаас хайж үзэхэд хайрцагандаа 20 ширхэгтэй нэг бүрийн үнэ нь 3 доллар , төгрөгт хөрвүүлэн бодоход нэг ширхэг нь 8550 төгрөг байна.

Харин НЭМГ-аас энэ давчуу хугацаанд буюу Баасан гаригаас Даваа гаригийн хооронд, өндөр үнэтэй амны хаалт худалдан авах тендэр зарласан нь анхаарал татаж байна.