Зөвшөөрөгдсөн байгууллагын ажилчид зорчихдоо ажлын үнэмлэх, ажлын газрын тодорхойлолтоо үзүүлж зорчино

Өчигдөр УОК-ын дарга шадар сайд С.Амарсайхан хэлэхдээ  : Төрийн байгууллага нутгийн захиргааны зайлшгүй ажиллах ёстой ажилчид Нийслэлийн нийтийн тээврийн газраас гаргаж байгаа тусгай маршрутаар ажил эхлэх, тарах цагаар зорчино. Иргэд олон нийтэд автобус үйлчлэхгүй. Төрийн бус, хувийн байгууллагынхан ажилчдаа дээд тал нь 15 хүртэлх хувиар ажиллуулж, хөдөлгөөнд оролцохдоо ажлын газрын үнэмлэх, ажлын тодорхойлолтоо үзүүлээд хувийн машинаараа зорчино. ЯТТ-ийн автомашинууд хязгаарлалтгүй үйлчилнэ. Хуваарьт эмчилгээ авдаг иргэд тодорхой бичгээ үзүүлээд хувийн машинаараа зорчих боломжтой гэж мэдээлсэн билээ. 

Шадар сайдын дурьдсан хувийн машинаараа зорчих боломжтой байгууллагад доорх байгууллагууд орно. Эдгээр байгууллагын ажилчид ажлын үнэмлэх, ажлын газрын тодорхойлолтоо цагдаагийн алба хаагчдад үзүүлээд зорчих юм.

• Хүнсний үйлдвэрлэл, түгээлт, тээвэрлэлт худалдаа    
• Мал амьтны өвс тэжээлийн тээвэрлэлт түгээлт         
•   Газрын тосны бүтээгдэхүүн түлшний хангамж, түгээлт, тээвэрлэлт 
•  Банкны цахим болон автомат тооцооны машин   
•   Хэвлэл мэдээлэл, харилцаа, холбоо, шуудан, илгээмж 
•  Зөвшөөрөлтэй харуул хамгаалалтын алба