БНСУ руу 6,Токио руу 3 ,Европ руу 2 , Нурсултан руу 1 удаагийн чартер нислэг хийхээр төлөвлөгөө гарсан гэв

Засгийн газрын ХМОНХХ-ийн дарга Ц.Ганзориг: Гадаадаас иргэдээ татах асуудлыг Гадаад харилцааны сайд хариуцан ажиллаж байгаа. Нийт 9143 иргэн эх орондоо яаралтай ирэх хүсэлтээ өгсөн. Нийт ирэх хүсэлтээ илэрхийлсэн иргэдийн ихэнхи нь БНСУ-аас байгаа. Тийм учраас БНСУ руу 6 удаагийн чартер нислэг, Токио руу 3 удаагийн чартер нислэг,  Европ руу 2 удаагийн чартер нислэг, Казакстан буюу Нурсултан руу 1 удаагийн чартер нислэг гээд хуваарь төлөвлөгөө гарсан байгаа. Дөрөвдүгээр сард 12-14 удаагийн чартер нислэг нисгэх төлөвлөгөө бий. Удахгүй өдөр, цагтай нь зарлана. Мөн үүн дээр нэмээд нислэгийн билетны үнийг бууруулах асуудлыг яг одоо ЗГ-ын хуралдаанаар ч оруулж байгаа. Хэдэн хувиар бууруулах вэ гэдэг мэдээлэл нь тодорхой болохоор зарлана.