"ДЦС-III" ТӨХК нь 1968 онд байгуулсан аврах гарцаар үнс зайлуулсан усаа Туул голд цутгаж байсан мэдээллийн мөрөөр бид холбогдох хүмүүсээс тайлбар авсан юм. Туул голын сав газрын захиргааны зүгээс ДЦС-III нь мэргэжлийн байгууллагын зөвшөөрөлгүйгээр аливаа үйл ажиллагааг хийж болохгүй ба бидэнд мэдээлэх байсан. Гэтэл хууль зөрчин ноцтой үйлдэл гаргалаа. НМХГ, БОАЖЯ, Байгаль Орчны Газар, Усны газар, Туул голын сав газрын захиргаа зэрэг байгууллагууд газар дээр нь ирж ажиллан хууль бус үйл ажиллагааг нь зогсоосон талаар хэлж байгаа юм. Туул голд цутгасан байршил дээрээс нь дээж авч хоёр лабораторид шинжлүүлж, дүгнэлт гарсны дараа хуулийн хүрээнд арга хэмжээ авна гэдгийг мөн хэлсэн юм. Энэ үеэр Эрчим Хүчний Яам болон ДЦС-III удирдлагууд үнс зайлуулах сангийн үйл ажиллагаатай танилцаж явсан юм. Бид чухам юу болсон талаар тодруулахад: 2020 онд эхлүүлсэн шинэ үнсэн сангийн ажил хүйтний улирал ирсэнтэй холбоотойгоор дуусаагүй байсан учир усыг зайлуулах шаардлагатай байснаас үүдэж хуучны аврах гарцыг ашиглан ийм үйлдэл гаргасан. Удирдлагын зүгээс энэ талаар мэдэж байсан. Харин энэ нь бидний хариуцлагагүй үйлдэл мөн хийгээд үүнд бид 100 хувь буруугаа хүлээж байгаа гэдэг тайлбарыг өгсөн юм.
°C
Сэтгэгдэл (20)