Консулын газрын дарга Л.Мөнхтүшиг: Гадаад улсаас иргэдээ татан авах ажлыг эрчимжүүлж байгаа. Нэгдүгээрт гадаад улсаас ирж байгаа иргэдийн тусгаарлах хоногийг бууруулах , тусгай үүргийн нислэгийн хуваарийг 2-4 сараар батлах, иргэдэд зочид буудлын тусгаарлах сонголт нэмж сонголт олгох, МИАТ компанийн тийзийн үнийг боломжит үнээр бууруулах шийдвэрийг гаргасан. Тусгаарлах хоногтой холбоотой шийдвэрийг гаргахдаа гадаадаас ирсэн иргэдийг 10 хоног тусгаарлаад , нийт 14 хоног тусгаарлах шаардлагыг харгалзаад үлдсэн 4 хоногийг гэрээр нь тусгаарлан ажиглах шийдвэр гарсан. Гадаадаас ирэх иргэд тухайн улсдаа заавал шинжилгээнд хамрагдах нийтлэг шаардлага хэвээр тавигдана. Ирээд хоёр дахь, найм дахь хоног дээр шинжилгээ өгөөд 10 дахь хоногтоо тусгаарлах байраас гарна. Дөрөвдүгээр сарын нислэгийг гуравдугаар сард танилцуулна. Хоёрдугаар сарын 19-нд БНСУ руу иргэдээ татан авах нислэг үйлдэнэ. 2 сарын 27-нд МУ-ын жудо, хөлбөмбөгийн тамирчдыг гадаад улс руу тэмцээн уралдаанд оролцох бэлтгэл сургуулилт хийх боломжийг олгох үүднээс Хүннү Эйр компанийн нислэг хийгдэнэ. Энэ нислэгээр буцахдаа буюу Казакстан улсын Алмати хотоос 85 орчим иргэнээ эх орондоо ирүүлэх боломж бүрдсэн. 2 сарын 24-нд Турк улсын Истанбул хот руу нислэг үйлдэж иргэдээ татна. 2 сарын 26-нд БНСУ руу нислэг үйлдэж мөн иргэдээ татна.
Гуравдугаар сард нийт 12 нислэг үйлдэнэ. БНСУ руу 6 удаагийн нислэгийн хоёр нь зөвхөн транзит зорчигчид авна. Токио руу 3 удаагийн нислэг үйлдэнэ.
°C