БНЭУ-ын Мумбай хотоос Их Британийн Оксфордын их сургуулийн бүтээсэн AstraZeneca вакциныг МИАТ-ийн агаарын хөлгөөр өнөөдөр 06:25 цагт авчирлаа.Тэгвэл вакцины дээжийг Шадар сайд, УОК-ын дарга С.Амарсайханд хүлээлгэн өгчээ. 150 мянган хүн тун AstraZeneca вакциныг манай улсад буцалтгүй тусламжаар өгч буйг Элчин сайд М.П.Сингх мэдэгдэж байгаа юм.
Энэ үеэр Шадар сайд С.Амарсайхан: БНЭУ-ын буцалтгүй тусламжаар ДЭМБ-аас бүртгэсэн Астранзенека вакцин хүлээн авлаа. Нийтдээ дөрвөн төрлийн вакцин орж ирнэ. Хуваарын дагуу цар тахлын голомтод ажиллаж байгаа ажилтан албан хаагчдаас эхэлж вакцинжуулах төлөвлөгөөтэй байгаа. Вакцинжуулалтын ажлыг эхний хоёрдугаар улиралд багтааж дуусгана. Вакцинжуулалтын ажил маргаашнаас албан ёсоор эхэлнэ гэв.
Сэтгэгдэл (0)
Сэтгэгдэл бичигдээгүй байна