Хууль, шүүхийн эрх мэдэл бүхий хэсэг хүмүүс PARKVIEW хотхоны 752-р байрны дугаар тоотод цугласан бичлэг олон нийтийн анхаарлыг татаж байгаа юм. Тухайн үед СБД-н Эрүүгийн хэргийн анхан шатны шүүгч, З.Болдбаатар, Булган аймгийн шүүгч Д.Отгонбаатар, МУ-н үндэсний аюулгүй байдлын зөвлөлийн ажилтан Б.Баасанцогт, АТГ-ын ажилтан П.Чулуунбаатар, СБД, ЧД, БЗД-ийн шүүхийн Эрүүгийн хэргийн анхан шатны шүүгч Х.Идэр нар байсан гэдгийг бичлэгт тодорхой харуулсан байдаг.
Энэ асуудлаар Манай сэтгүүлч Н.Өнөрцэцэг ЦЕГ-ын ХМТ-ийн дарга Б.Баатархүүгээс тодрууллаа.
ЦЕГ-ын ХМТ-ийн дарга Б.Баатархүү: : Бичлэг цацагдаад хоёр хонож байна. Гэмт хэргийн шинжтэй байж болзошгүй зүйлүүд яригдаж байна. МУ-ын эрүүгийн хуулийн 12.6.1-д заасан биеэ үнэлэлтийг зохион байгуулсан гэдгээр хэрэг бүртгэлтийн хэрэг нээх саналтай прокурорт хүргүүлсэн. Амралтын өдөр хойшлуулашгүй ажиллагаа явуулж, тухайн газар байсан хүмүүсээс тайлбар авч, материалжуулсан. Биеэ үнэлэлт зохион байгуулсан нь үндэслэлтэй байна гэж үзсэн. Нэр дурдагдсан хүмүүсээс ямартай ч мэдүүлэг, тайлбар авсан. Орон байрны бичлэг задарсныг мөн Цагдаагийн байгууллагаас шалгаж байна.
Мөн тухайн бичлэгт байсан эмэгтэйчүүдийн дансаар мөнгө шилжүүлсэн гэх мэдээллийн талаар тодруулахад ЦЕГ-ын ХМТ-ийн дарга Б.Баатархүү: Шалгалтын явцад тиймэрхүү зүйлүүд илэрч байгаа. Эцэслэн хэрэг бүртгэлт нээгээд шалгаж тодруулах, мөрдөн шалгах үйл ажиллагааны талаар Прокурорын зөвшөөрлөөр мэдээлэл өгнө гэв.
°C
Сэтгэгдэл (128)