Хууль, шүүхийн эрх мэдэл бүхий хэсэг хүмүүс PARKVIEW хотхоны 752-р байрны дугаар тоотод цугласан бичлэг олон нийтийн анхаарлыг татаж байгаа юм. Тухайн үед СБД-ийн Эрүүгийн хэргийн анхан шатны шүүгч З.Болдбаатар, Булган аймгийн шүүгч Д.Отгонбаатар, МУ-ын үндэсний аюулгүй байдлын зөвлөлийн ажилтан гэгдэх Б.Баасанцогт, АТГ-ын ажилтан П.Чулуунбаатар, СБД, ЧД, БЗД-ийн шүүхийн Эрүүгийн хэргийн анхан шатны шүүгч Х.Идэр нар бичлэгт тодорхой харагддаг.
МУ-ын үндэсний аюулгүй байдлын зөвлөлийн ажилтан гэгдэх Б.Баасанцогт нь өөрийгөө өмгөөлөгч хийдэг, ҮАБЗ-д ажилладаг гэдэг нь ташаа мэдээлэл хэмээн ярьсан байдаг. Гэвч тэрбээр МУ-ын Ерөнхийлөгчийн Тамгын газартай хамтран ажиллах үнэмлэхтэй нь анхаарал татаж байсан. Тэгвэл өөрийгөө Өмгөөлөгч гэх Б.Баасанцогт нь Lexus 570, BMW 528 , приус 41, 2020 оны шинэ Land200 нийлсэн нийт таван автомашинтай.
Тодруулбал, тэрбээр 2018 оны хар өнгийн Lexus 570 320 сая төгрөгийн автомашинтай. Мөн 2014 оны BMW 528 автомашин нь 200 сая төгрөгөөр үнэлэгддэг. 2014 оны Приус 41 автомашин нь 22 орчим сая төгрөг, Мөн 2009 оны приус автомашин нь 16 орчим сая төгрөгийн үнэтэй. 2020 оны шинэ ланд 200 маркын автомашин нь 210 орчим сая төгрөгөөр үнэлэгддэг. Б.Баасанцогт нь нийт 768 сая төгрөгөөр үнэлэгдэх таван автомашинтай.
Мөн тухайн бичлэгт байсан эмэгтэйчүүдийн дансаар мөнгө шилжүүлсэн гэх мэдээллийн талаар тодруулахад ЦЕГ-ын Хэвлэл мэдээллийн төвийн дарга Б.Баатархүү : Шалгалтын явцад тиймэрхүү зүйлүүд илэрч байгаа гэх мэдээллийг өгсөн байдаг. Тэгвэл мөнгө шилжүүлсэн гэх асуудалтай холбоотойгоор эх сурвалжийн мэдээлж буйгаар МУ-ын үндэсний аюулгүй байдлын зөвлөлийн ажилтан гэгдэж байсан өмгөөлөгч Б.Баасанцогт нь Иргэн "Д" гэх эмэгтэйн данс руу хоёр сая төгрөг шилжүүлж, Иргэн "Д" нь бусад эмэгтэйчүүдийн данс руу 500 мянган төгрөг тус бүр шилжүүлсэн байж болзошгүй гэх мэдээлэл байдаг.
Сэтгэгдэл (0)
Сэтгэгдэл бичигдээгүй байна