Д.Жаргалсайхан мэтгэлцэгч хоёр оролцогчийн нэгнээс нь төлбөр авч, захиалгат мэтгэлцээн хийдэг үү?

DeFacto-д "Уран олборлолт аюулгүй юу" сэдвээр мэтгэлцсэн уран олборлогч төрийн өмчит Мон-Атом компани тус нэвтрүүлэгт 5,5 сая төгрөгийн төлбөр төлжээ.Тодруулбал, 2021 оны 01 сарын 20-ны өдөр DeFacto  мэтгэлцээнээр "УРАН ОЛБОРЛОЛТ АЮУЛГҮЙ ЮУ" гэсэн сэдвээр мэтгэлцээн болсон байна.

Мэтгэлцээний төлбөрт 2021 оны 01 сарын 29-нд Төрийн өмчийн МОН-АТОМ ХХК-иас Жи Ди Эф ХХК-руу 5,500,000 төгрөг "нэвтрүүлгийн төлбөр /ДеФакто мэтгэлцээн/" гэсэн утгатайгаар хийгдсэн байна.

Тухайн өдрийн мэтгэлцээний "Уран олборлолт аюулгүй юу" сэдвийн Нотлогчоор Мон-Атом ХХК-ийн гүйцэтгэх захирал З.Дамдинсүрэн, Няцаагчаар" Машинтай жагсаал холбооны" зохицуулагч Б.Цэгмэд нар мэтгэлцжээ. 

Дээрх асуудалд анхаарал татаж байгаа  гол асуудал нь мэтгэлцээнд Уран олборлолт яагаад аюулгүйг нотлон ярих мэтгэлцэгч нь нэвтрүүлэгт мөнгө төлж тухайн нэвтрүүлэг нь оролцогчийн аль нэгнээс төлбөр авч мэтгэлцээн зохион байгуулдаг байж болзошгүйг харуулж байна. 

" Мон-Атом" төрийн өмчит компани нь Монгол Улсын нутаг дэвсгэрт уран болон бусад төрлийн цацраг идэвхт ашигт малтмал, эрэл хайгуул, тандан судалгааны ажлыг гүйцэтгэн нөөцийг тогтоох, олборлодог компани юм байна.