Булган аймгийн Иргэдийн хурлын тэргүүлэгч, тус аймгийн Орхон сумын засаг дарга "Б" нь бусдын гарт харамсалтайгаар амиа алдсан байж болзошгүй байна.
Хэргийг тодруулбал гуравдугаар сарын 03-04-нд шилжих шөнө 23 цагт талийгаач гэрийнхээ гадаа машинтайгаа ирсэн ч буцаж явжээ. Талийгаач Орхон сумын цагдаагийн хэсэгт очсон бөгөөд цагдаагийн хэсэгт дэлгүүр ажиллуулдаг иргэн, тус сумын хэсгийн төлөөлөгч нар байсан гэх мэдээлэл байгаа юм. Тухайн газар байсан хүмүүс архи ууж, улмаар хоорондоо маргалдаж Засаг даргыг хөнөөсөн байж болзошгүй байгаа юм байна. Үүнд анхаарал татаж байгаа асуудал нь сумын хэсгийн төлөөлөгч ажлын байрандаа бусдыг дуудаж, архидан согтуурч улмаар талийгаач амь насаа алдсан байж болзошгүй байна.
Эх сурвалжийн өгч буй мэдээллээр талийгаач зодуулсан нь илт гэх бөгөөд нүүрэндээ ил харагдах шарх сорвитой , хөмсөг нь задарч, хамар нь хугарсан мөн уруул нь хавдсан байсан гэх мэдээллийг өгч байгаа юм. Хэрэгт дэлгүүрийн эзнийг сэжиглэж байгаа бөгөөд, талийгаач цагдаагийн алба хаагчийн байранд амиа алдсан гэх мэдээллийг эх сурвалжууд өгч байна. Талийгаач нь 1978 онд төрсөн бөгөөд эхнэр гурван хүүхдийн хамт амьдардаг байжээ.
Бид энэхүү хэргийн талаар үргэлжлүүлэн мэдээлэх болно.
Сэтгэгдэл (0)
Сэтгэгдэл бичигдээгүй байна