ХӨСҮТ: Хүмүүс туйлдаж байна, машин нэмүүлэх шаардлагатай байгаа

Шадар сайд С.Амарсайхан ХӨСҮТ-д ажиллалаа. 

Шадар сайд С.Амарсайхан: Илүү цагийн хөлсийг нь ажилчдадаа өгсөн үү?  -Эмч нараас бусад нь илүү цагийн цалингаа авсан. Жолооч нар олон цагаар дуудагдан ажиллаж байна. Сувилагч болон жолооч нарт илүү цагийн мөнгийг нь өгсөн. Эмч нартаа дараагийн удаа олгохоор болсон.    

ХӨСҮТ: Манай ажилчид ХӨСҮТ-д 14 хоног, зочид буудалд 14 хоног тусгаарлагдаад сарын дараа гэртээ харьдаг. 200 хоног гэртээ хариагүй ариутгагч ч бий. Хамгийн их ачаалалтай байгаа нь жолооч, ариутгагчид байна. Бусад хүмүүс нь сэлгэж ажиллах боломжтой. Хүмүүс туйлдаж, ядарч байна.Машин нэмүүлэх шаардлага байна.   

Шадар сайд С.Амарсайхан: Үүнийг бид ойлгож байна. Машинаа шийдүүлэх нь та нарын асуудал. Бэлэг хүлээж байгаа юм шиг хүлээж болохгүй. Машин том асуудал биш. Бусад эрүүл мэндийн төвүүдэд шинжилгээ мөн хийж байна. Ганц танайх шинжилгээ хийх хүчин чадалтай биш шүү дээ.