Шадар сайд С.Амарсайхан ХӨСҮТ-д ажиллалаа.
Шадар сайд С.Амарсайхан: Яагаад ганцхан танайд бүх сорьц овоороод байна.
ХӨСҮТ: Эдийн засгийн хувьд их ачаалал үүсэж байна.Дэлхий нийтэд өргөнөөр коронавирусын шинжилгээг хийж байгаа. Манай улсад энэ арга хэмжээг маш сайн авч хэрэгжүүлсэн . Гурван эмнэлэг рүү бүх батлагдсан тохиолдлуудаа хуваарилснаар халдварыг цааш нь тархахгүй болгож байгаа. Ингээд ойрын хавьтлуудыг тодорхойлох ажлыг явуулдаг. Судалгааны үр дүнд нийт хавьтлуудын 90-ээс дээш хувийг олдог.Олсон хавьтлуудаа 14 хоног тусгаарладаг. ХӨСҮТ-ийн хувьд ямар ч өвчлөлгүй үед бэлэн байдлаа хангаж байсан. Тохиолдлын тоо ихэсч, хүн амын дунд өргөн тархалт үүссэн үед тандалтын хариу арга хэмжээ өөрчлөгддөг. Энэ үед батлагдсан тохиолдлуудаа хөнгөн бол гэрт нь тусгаарлах гэх мэт арга хэмжээ авч байна. Сүүлийн 7 хоногийн нөхцөл байдлаас харахад хүн амын дундах халдварын өргөн тархалт руу орж байгаа нь санаа зовоож байна.Харин Завхан, Төв аймаг хоёрдугаар үе шатанд байгаа. Бүртгэгдсэн 81 кластер байна. Үүнээс 21 нь хянагдаж дууссан байна. Өнөөдрийн байдлаар 41 идэвхтэй голомт байна. Драмын театртай холбоотой кластер олон хүн хамруулж, 450 ойрын хавьтал бүртгэгдээд байна. 14 хоногийн дараа өдөрт 150-400 хүртэл халдвар гарах магадлал 50 хувьтай байна.
Сэтгэгдэл (0)
Сэтгэгдэл бичигдээгүй байна