Улаанбаатар: ​Халдвар илэрсэн ч тусгаарлаагүй 36 хүн байна​

Халдвар илэрсэн ч тусгаарлаагүй 36 хүн байгаа гэх мэдээлэл байна. Тодруулбал, эмнэлгүүд дүүрсэн учир тухайн иргэдийг хаана хэрхэн тусгаарлахаа шийдэхээр яг одоо ЭМЯ хуралдаж байгаа юм байна.

Халдвар авсан иргэнийг тусгаарлаагүй, тухайн иргэнтэй хамт нэг нийтийн байранд амьдардаг иргэд ажилдаа явж халдвар тархах эрсдлийг бий болгож байгаа талаар бид мэдээлсэн. Энэ асуудлаар ЭМЯ-ны хэвлэлийн ажилтнаас тодруулахад одоогийн байдлаар УБ-т халдвар илэрсэн ч тусгаарлаагүй 36 иргэн байгаа учир ЭМЯ-наас тухайн иргэдээ хаана ямар эмнэлэгт авахаа ярьж, хуралдаж байна. Эмнэлгүүд дүүрсэн учир халдвар авсан иргэдээ тусгаарлахаар ярилцаж байна гэлээ.

Ингэхдээ халдвар гарсан байрыг хамгаалалтад аваагүй , ямар нэгэн хараа хяналтгүй орхисон нь коронавирус нийгэмд тархах эрсдлийг бий болгож байж болзошгүй байна.