Хөвсгөл аймгийн Цэцэрлэг суманд коронавирусын тохиолдлууд нэмэгдэж бүртгэгдсээр байгаа юм. Цэцэрлэг суманд халдвар авсан иргэн, сэжигтэй тохиолдлын хоёр иргэнийг сумын эмнэлэгт тусгаарлах явцдаа 20 километр зайд алхуулж араас нь цагдаагийн машинтай дагаж явсан талаарх асуудлыг Хөвсгөл аймгийн Засаг дарга Ш.Идэрбаясгалангаас тодрууллаа.
Хөвсгөл аймгийн Засаг дарга Ш.Идэрбаясгалан: "Цэцэрлэг сумын Засаг даргатай утсаар ярихад, тодорхой хэсэг газарт халдвартай иргэдийг явган явуулсан юм билээ. Яг энэ асуудлаар тухайн үед тусгаарлахад байсан хүмүүсийг дуудаж, Аймгийн онцгой комисс хуралдах гэж байна. Хурлын дараа тодорхой мэдээлэл өгье" гэв.