Цар тахлын үеэр Ази гаралтай хүмүүсийг гадуурхаж байгаад сэтгэл зовнижээ

НҮБ-ын Ерөнхий нарийн бичгийн дарга Антониу Гутерриш цар тахлын үеэр Ази гаралтай хүмүүсийг гадуурхах, тэдний эсрэг хүч хэрэглэх тохиолдол газар авч байгаад сэтгэл зовниж буйгаа илэрхийлжээ. Тэрээр “айдас төрүүлэм дайралт, үг хэлийн болон биеийн хүчирхийлэл, сургуулиудад үзэн ядах, ажлын байран дээр гадуурхах, хэвлэл мэдээллийн хэрэгсэл болон нийгмийн сүлжээгээр үзэн ядах үзлийг сурталчлах, эрх мэдэлтэй хүмүүсийн өдөөн хатгасан мэдэгдэл” газар авч байгааг онцолсон байна.

  НҮБ-ын Ерөнхий нарийн бичгийн дарга мэдэгдэл гаргана гэдэг асуудал нэлээд ноцтой болсныг илтгэж байгаа юм. Иймд Европ, Хойд Америкт ажиллаж амьдарч байгаа монголчууд сонор сэрэмжтэй байж, элдэв өдөөн хатгалгын золиос болохоос сэргийлэх хэрэгтэй болжээ.