АНУ-ын Ерөнхийлөгч Жо Байдены хэл халтирах нь хэвийн үзэгдэл болж байгаа бололтой. Тэрээр дэд Ерөнхийлөгч Камала Харрисыг “Ерөнхийлөгч” гэж тушаал дэвшүүлж, өөрийгөө “халж” ярьсан дуулиан намжаагүй байсан. Гэтэл Байден нь Атлантад Ази гаралтай хүмүүсийн аминд хүрсэн халдлагын талаар мэдэгдэл хийх үедээ “Би одоо надаас илүү ухаантай дэд Ерөнхийлөгчдөө үг хэлэх боломж олгоё” гэж ярьсан нь бас бөөн дуулиан дэгдээв. Дэлхийн хамгийн хүчирхэг гүрний удирдагч өөрийгөө орлогчоосоо ухаан дутмаг гэж мэдэгдэж байсан тохиолдол үүнээс өөр байхгүй тул хүмүүс ихэд гайхсан гэвэл хэтрүүлэг болохгүй биз. Энэ мэдэгдэл болон бусад олон тохиолдлоос үүдээд АНУ-ыг үнэн хэрэг дээрээ хэн удирдаад байгаа талаарх шүүмж яриа улам газар авч байгаа аж.
Сэтгэгдэл (0)
Сэтгэгдэл бичигдээгүй байна