ХӨСҮТ-ийн захирал Л.Баттөр: СӨРӨГ гэсэн шинжилгээний бичиг дамлан зарж байсан асуудлаар ХӨСҮТ-ээс нэг хүн хууль хяналтын байгууллагад шалгагдаж байгаа. Миний сонссоноор тэр хүн нь сувилагч, тусгай мэргэжилтэн байсан. Тухайн хүнийг ажлаас нь түдгэлзүүлсэн. Лабораторид ажилладаг хүн байсан. Тодруулбал, шинжилгээ, тархвар судлалын ажил хийдэг тийм хүн байсан юм билээ. Энэ асуудалд хууль хяналтын байгууллагаас зарим хүмүүс өөрсдийгөө шалгуулах хүсэлт өгсөн юм билээ. Шинжилгээний бичиг ГЭРЭГЭ системтэй холбоотой байгаа. ХӨСҮТ- дээр цахимжуулалт маш муу байгаагаас алдаа гарч байна.Жишээ нь, бүх ПИСИАР шинжилгээгээ гараар шивж байна. Гараар бичсэн зүйл дээр алдаа гарах тал байна. Өдөрт дээд тал нь 9000, 15000 шинжилгээ шивэхэд алдаа гарах тохиолдол байна гэж харж байна. Бүртгэл хийхэд ч алдаа гарах магадлалтай олон цэгүүд байна. Тиймээс гараар шивэх биш цахимд шилжүүлбэл хялбар болно.