ХӨСҮТ-ийн захирал Л.Баттөрөөс Манай сэтгүүлч Н.Өнөрцэцэг зарим асуудлуудыг тодрууллаа.
Коронавирусээр өвчилсөн нэг хүнийг хэдэн төгрөгөөр эмчилж байгаа вэ? 8-9 сая төгрөгөөр эмчилж байгаа гэсэн үнэн үү?
ХӨСҮТ-ийн захирал Л.Баттөр: Коронавирусын халдвар туссан нэг хүнийг 8,9 сая төгрөгөөр эмчилдэг гэх мэдээллийг би ч гэсэн тухайн үед хараад байж байсан. Магадгүй, хамгаалах хувцас хэрэглэлийг өдөрт хэд хэдээр нь сольж байна. 8,9 саяар эмчилдэг гэдгийг би тооцоолж үзээгүй л дээ. Гэхдээ бид 8,9 сая төгрөгийг эм тарианы мөнгө гэж ойлгоод байгаа байхгүй юу. Энэ чинь өртөг шингэсэн, шинээр аппарат авахад, энэ олон эмч ажилтнууд өдөр шөнөгүй ажиллахад илүү цаг гэж байхгүй, урамшууллын мөнгө ч гэж байхгүй. Тэгэхээр энэ төр засгаас өгч байгаа энэ урамшууллыг яаж тооцсон гэдгийг би мэдэхгүй.
Зөвхөн эмчилгээ, эм нь хэдэн төгрөг болдог вэ?
ХӨСҮТ-ийн захирал Л.Баттөр: Коронавиусын халдвар хөнгөн, шинж тэмдэггүй бол үүнд тийм их мөнгө зарцуулахгүй. Гэртээ гарсан хүмүүс үүнийг гайхаад байгаа. Үйлчилгээнд ажиллаж байгаа, энэ тоног төхөөрөмжүүд энэ бүх өртөгт орно. Аппаратаар эмчилж байгаа, хүчилтөрөгчийн аппарат залгаж хүнд байсан хүмүүсийг эмчлэхэд 8, 9 саяас их мөнгө орно.