ЭМЯ: Шинжилгээний хариу нь эерэг гарвал утсанд нь мессежээр мэдэгддэг болсон

ЭМЯ-ны хэвлэлийн төлөөлөгч Б.Ууганбаяр: Сүүлийн үед өвчлөл нэмэгдэж байгаатай холбогдуулан шинжилгээний хариу нь эерэг гарсан хүмүүсийн хариуг тухайн хүнд шууд утсанд нь мессежээр мэдэгдэх зохицуулалтыг хийсэн. Тухайн хүн өөрийнхөө хариуг эерэг гарлаа гээд хариу арга хэмжээг түргэн авах боломжийг нээж өгч байгаа. Үүнээс гадна тухайн мессэжээр зөвлөгөө өгөх утасны дугаар, өөрийн биеийн байдал гэр бүлийн гишүүд хавьтлаа бүртгэх холбогдох зөвлөмж авах цахим линкийг оруулж өгсөн байгаа. Линкээр орж өөрийн биеийн байдлын онцлог шинж , өөрийн ойрын хавьтлын бүртгэлээ хийх боломжтой. Мөн цахимд орох боломжгүй хүмүүс маань тухайн мессежээр холбоо барих утасны явуулах учир холбогдож мэдээллээ авах боломжтой байгаа. Эерэг гэдгээ мэдээгүй хүмүүс гадуур явсан тохиолдол гардаг учир цаг алдалгүй утсанд нь мессежээр мэдэгдэх зохицуулалтыг хийхээр болсон.