БШУЯ: Танхимаар хичээл эхэлсэн тохиолдолд хичээлийн сонголт барьцаалж төлбөрөө бүтнээр нь авахгүй

БШУ-ны сайд Л.Энх-Амгалан: Их, дээд сургуулийн төлбөрийг уян хатан нөхцөлөөр хангуулахаар болсон. Хичээл сонголт хийхэд урьдчилан төлбөр авахгүй байх, дотуур байрны төлбөрийг буцаан олгох, дараагийн төлбөрт нь шилжүүлэх чиглэлийг өгсөн. Ерөнхий боловсролын хувийн сургуулийн хувьсах зардлыг олгохдоо гурван нөхцөлийг тохирсон. Үүнд:

1. Цахим хичээлийн гүйцэтгэлийг хянана
2. Сургалтын үйл ажиллагааг тасралтгүй зохион байгуулсан тайланг авна.
3. Сургалтын төлбөрт хөнгөлөлт үзүүлсэн байдлыг үндэслэх.

ЕБС-иудтай үндсэн сургалтын төлбөрөөс 5 хувийн хөнгөлөлт үзүүлэх тохиролцоонд хүрсэн. Мөн танхимаар хичээл эхэлсэн тохиолдолд хичээлийн сонголт барьцаалж төлбөрөө бүтнээр нь авахгүй байхаар тохирсон.