Өчигдөр орой МУ-ын өсөх идэр начин Э.Энхбат бусдад зодуулж ГССҮТ-д хүргэгдсэн. Хохирогч начин Э.Энхбатын эхнэр Б.Нандинцэцэгтэй бид уулзаж нөхцөл байдлыг тодруулахад олимпийн аварга, МҮОХ-ны Ерөнхийлөгч Н.Түвшинбаярт нөхрөө зодуулсан гэдгийг хэлж байсан юм. Э.Энхбатын биеийн байдал маш хүнд ГССҮТ-ийн сэхээн амьдруулах тасагт хэвтэн эмчлүүлж байна. Н.Түвшинбаярыг Интермед эмнэлгээс саатуулж ХУД-ийн цагдаагийн Нэгдүгээр хэлтэст бусдын эрүүл мэндэд хүнд хохирол учруулсан үндэслэлээр шалгаж байгаа юм.
Тухайн хэрэг гарсан газарт Булган аймгийн ИТХ-ын дарга нар байсан бөгөөд зарим эх сурвалжууд Хэро Энтэртайментийн захирал Б.Баатарыг байсан, Н.Түвшинбаярыг машинд нь суулгаад авч явсан гэх мэдээлэл бий.
Бид энэ асуудлаар Хэро энтэртайментийн захирал Б.Баатараас мэдээллийг тодрууллаа.
Б.Баатар: "Э.Энхбат, Н.Түвшинбаяр хоёр, хоёулаа миний дүү. Би зодоон болсны дараа 22:00 цагийн үед очсон. Тухайн болсон арга хэмжээнд нь оролцоогүй. Э.Энхбатыг түргэний машинд өргөлцөж оруулж өгөөд явсан. Би Н.Түвшинбаярыг машинд нь суулгаад авч явсан гэдэг ташаа мэдээлэл" гэв.
0°C
Сэтгэгдэл (335)