Өчигдөр орой /2021.04.02/ МУ-ын өсөх идэр начин Э.Энхбат бусдад зодуулж ГССҮТ-д хүргэгдсэн. Хохирогч начин Э.Энхбатын эхнэр Б.Нандинцэцэгтэй бид уулзаж нөхцөл байдлыг тодруулахад олимпийн аварга, МҮОХ-ны Ерөнхийлөгч Н.Түвшинбаярт нөхрөө зодуулсан гэдгийг хэлж байсан юм.
Уг хэрэгтэй холбогдуулж олимпийн аварга, МҮОХ-ны Ерөнхийлөгч Н.Түвшинбаярыг Интермед эмнэлэгт байхад нь цагдаагийн байгууллагаас саатуулж ХУД-ийн цагдаагийн Нэгдүгээр хэлтэст байцаалт авсан. Улмаар Н.Түвшинбаярыг цагдаагийн байгууллагаас 72 цагийн хугацаатай цагдан хорихоор болоод байсан. Харин түүнийг тархиндаа гэмтэлтэй гэх эмчийн дүгнэлтээр Интермед эмнэлэг рүү буцаан явуулжээ.
Энэ асуудалтай холбогдуулан Хан-Уул дүүрэг дэх цагдаагийн нэгдүгээр хэлтсийн дарга Цагдаагийн хурандаа Н.Пүрэвсүхээс мэдээллийг тодрууллаа.
Тэрбээр “Н.Түвшинбаярыг иргэн Э.Энхбатын эрх чөлөөнд халдаж, биед нь хүнд гэмтэл учруулсан хэргээр 48 цаг цагдан хорих саналыг цагдаагийн байгууллагаас Нийслэлийн прокурорын газарт хүргүүлсэн. Харин Нийслэлийн Прокурорын газрын жижүүрийн Прокурор Интермед эмнэлгийн эмч н.Төмөр-Очирын дүгнэлтээр хорих шаардлагагүй гэж үзсэн. Тодруулбал Н.Түвшинбаяр нь толгойдоо зургаан оёдол тавиулсан, тархины хавантай учир 72 цагийн хугацаатай эмнэлгийн хяналтад байх ёстой гэж дүгнэсэн учир Интермед эмнэлэг рүү явуулсан" гэв.
0°C
Сэтгэгдэл (494)