Биеийн байдал: Хүнд 70, маш хүнд 10 хүн байна

ЭМЯ- наас мэдээлэл хийлээ.

ЭМЯ-ны хэвлэлийн албаны дарга Б.Ууганбаяр: МУ-д 185 хүн эдгэрч нийт 6912 хүн эдгэрлээ. Сүүлийн 24 цагт 575 хүнээс халдвар илэрч 12226 тохиолдол батлагдлаа. Дөрвөн иргэн амиа алдаж нийт 17 нас баралт боллоо. 575 тохиолдлоос 456 нь Улаанбаатар хотод батлагдсанаар нийслэлд гарсан халдварын тоо нийт 8,906 болсон бол 113 нь орон нутагт бүртгэгдсэнээр орон нутагт гарсан халдвар 1358 боллоо. Мөн Эмнэлгээс шалтгаалах 6 халдварын тохиолдол бүртгэгдсэн.

 Өвөрхангай, Төв аймагт сүүлийн хоногт хамгийн олон буюу тус бүр 30 тохиолдол бүртгэгдсэн. Мөн Дорнод аймагт халдварын хоёр тохиолдол бүртгэгдэж, халдвартай аймгуудын тоо 18 болж байна.

Сүүлийн 24 цагт 185 хүн эдгэрч, эмнэлгээс гарсан. Эдгэрсэн хүний тоо 6,912 боллоо. Халдварын улмаас 2,480 хүн эмчлүүлж байгаагаас Хөнгөн 2186,  Хүндэвтэр 317, Хүнд 70, Маш хүнд 10 хүн байна.