Д.Мөнхцэцэг: Жирэмсэн гэдгээ мэдэлгүй вакцин хийлгэсэн бол айх аюулгүй

АШУҮИС-ийн нөхөн үржихүйн тэнхимийн эрхлэгч Д.Мөнхцэцэг: Модерна, Файзер вакцинууд бол жирэмсэн эмэгтэйчүүдэд эрсдэлгүй. Эдгээр вакциныг 1000 гаруй жирэмсэн эмэгтэйд хийж судлахад ямар нэгэн өөрчлөлт илрээгүй. Миний хувьд ч судалгааны үр дүнгүүд хараад аль ч вакциныг жирэмсэн эмэгтэйчүүдэд хийхэд эрсдэл гаж нөлөөгүй гэж үзэж байна. Жирэмсэн гэдгээ мэдээгүй вакцин хийлгэсэн бол айх аюулгүй. Эмэгтэйчүүдтэй сайн ярилцаж ойлголцох хэрэгтэй. Тухайлбал дараагийн тунгаа хийлгэх үү? эсвэл халдвар хамгааллын дэглэмээ сахиад өөрийгөө халдвараас хамгаалах уу? гэдэг нь тухайн хүний л сонголт. Жирэмсэн байх хугацаандаа халдвар авсан ээжүүдэд судалгаа хийхэд урагт гаж нөлөө үзүүлэхгүй байгааг тогтоосон олон судалгааны үр дүн байгаа. Тиймээс тухайн вирусыг сулруулсан болон өөр технологиор гаргаж авсан вакцин хийлгэхэд аюулгүй гэж үзэж байна.