Ж.Байгалмаа: 28 хоногийн хугацаатай хөл хорио тогтоож, вакцинжуулалтаа эрчимжүүлбэл 07 сар гэхэд тохиолдлын тоо 10-аас доош орох тооцоолол бий

ХӨСҮТ-ийн Тандалт, судалгааны албаны дарга Ж.Байгалмаа: Хөл хорио тогтоосноос хойш өвчлөл саардаг. Өнөөдөр 800 гаруй тохиолдол батлагдаад байгаа. Энэ нь нууц үеийн хугацаагаар тооцвол 4-6 хоногийн өмнө халдвар авсан хүмүүс гэсэн үг юм. Одоогийн байдлаар хөл хорионы үр дүнг харах хараахан болоогүй байна. Халдварын тоо болон эндэгдлийг бууруулах нь хөл хорионы хугацаанаас хамаарна. Тодорхой хэмжээний тооцооллыг хийсэн. Тодруулбал 15 хоногийн хугацаатай хөл хорио тогтоогоод, дархлаажуулалт 70 хувьд хүрвэл өдөрт бүртгэгдэх халдварын тоо "ялимгүй"  л буурч байна.Ингээд хөл хорионы дараа халдварын тоо буцаад огцом өсөхөөр харагдаж байгаа. Хэрвээ 28 хоногийн хугацаатай буюу арай урт хугацааны хөл хорио тогтоогоод, дархлаажуулалтын ажлаа эрчимжүүлээд дархлаа тогтоц 70 хувьтай бол ойролцоогоор 07 сарын эхээр өдөрт бүртгэгдэх тохиолдлын тоо 10-аас доош орох тооцоолол байна.