ЭЭМЯ-ны эмнэлгийн бодлогын хэрэгжилтийг зохицуулах газрын дарга Б.Буянтогтох: Хөл хорионы төгсгөлд тохиолдлын тоо буурах тооцоолол байсан ч хүмүүсийн хөдөлгөөн их байгаа нь эрсдэл бий болгож байна. Ковид бүх нийтэд тарсан байна. Халдвар таны хажууд бий, надаас хол байгаа гэж битгий бодооч ээ гэж иргэдээс хүсмээр байна. Зарим иргэдээс тандалтаар шинжилгээ авахад л халдвар илэрч байгаа нь голомт тодорхойгүй маш их халдвар байна.ЭМЯ-ны эрдэмтэн судлаачид хоёр нууц хугацааны үе буюу 28 хоног хөл хорьж байж хөл хорионы үр дүн гарна гэсэн хүсэлтийг өгсөн ч шийдвэр 14 хоног хорихоор гарсан. 14 хоног хорьсноор голомтыг л бага зэрэг хумьж барихаас биш яг 14 хоногийн хугацаанд тохиолдлын тоогоо хангалттай хэмжээнд бууруулж чадахгүй нь харагдаж байгаа.Өнөөдрийн гарч байгаа тохиолдлын тоог харсан ч тэр, гадуур олон нийтийн хөл хөдөлгөнийг харсан ч тэр хангалттай хөл хорьж чадахгүй байна шүү дээ.