ЭМЯ: Ор хэдэн мянгаар нь дэлгэж болох ч тэнд ажиллах хүний нөөц алга

УИХ-ын чуулганы нэгдсэн хуралдаан үргэлжилж байна. 

ЭМ-ийн сайд С.Энхболд: Улсын хэмжээнд 27 мянган ор байдаг. Энэ 27 мянган оронд рашаан, сувиллын орууд бүгд багтаж байгаа. Бид 11,12 мянган ороо зөвхөн ковидод зориулж дэлгээд байна. Бид орыг 1000, 1000-аар нь дэлгээд байж болно. Хамгийн гол нь тэнд ажиллах хүний нөөцийн дутагдал үүссэн. ЭМ-ийн салбарын ажилчид тодорхой лимиттэй. Нарийн мэргэжлийн эмч, эрчимт, лавлагаа, яаралтай тусламжийн эмч нар хомс байдаг. Өнөөдөр манай улсад эрчимт эмчилгээний 340 эмч байна. Экмо аппарат манай улсад гурав байна. Нэг нь захиалгаар ирж байгаа. Энэ аппаратыг нэг хүнд хэрэглэхэд 35 сая төгрөгийн зардалтай. Их өндөр өртөгтэй. Эм тариаг одоо хүртэл ЗГ-аас үнэгүй тарааж өгч байгаа. Улсын хэмжээнд түгээлт хийж  ажиллаж байгаа.