БОАЖЯ: Вагон осолдож, бензин асгарсан газарт нөхөн сэргээлт хийх асуудал одоогоор яригдаагүй байна

Аадар бороо орж, үер буусны улмаас төмөр зам угаагдаж Бэлэндалай-Орхонтуул өртөө хоорондын замын 76 дугаар километрт аялж явсан 23 вагонтой 3202 дугаартай  ачааны галт тэрэгний бүрэлдэхүүний дундаас 9 вагон замаас гарсан билээ.

Тэгвэл уг хэсгийн галт тэрэгний хөдөлгөөнийг 2021 оны 6 дугаар сарын 26-ны 19:58 цагт нээж, улмаар сэргээн босголтын ажлыг өчигдрийн 21:55 цагт бүрэн дуусгажээ. Харин вагоны осол болж бензин асгарсан хэсэгт хичнээн га талбай газарт нөхөн сэргээлт хийх нь тодорхойгүй байна. Бид нөхөн сэргээлт хийх асуудлаар БОАЖ-ны хэвлэлийн ажилтнаас тодруулахад хичнээн га талбайд нөхөн сэргээлт хийх эсэхийг одоогоор тогтоогоогүй байна. Ямартай ч хөрс хуулалт хийсэн байгаа. Бензин асгарч осол болсон газраас Орхон гол 10-12 километр зайд байдаг. БОАЖЯ-наас өнгөрсөн амралтын өдөр очиж дээж авч шинжилгээ хийж байна. Бензин асгарсан газарт нөхөн сэргээлт хийх асуудал одоогоор яригдаагүй байна гэв.