Хурдан морины уралдаан зохион байгуулахтай холбогдуулан “Лантуун дохио ТББ” нь МУ-ын Засгийн газарт нэхэмжлэл гаргажээ. Энэ талаар Нийслэл дэх захиргааны хэргийн анхан шатны шүүхээс дараах мэдээллийг гаргасан байна.
Тодруулбал, “Лантуун дохио” ТББ-аас Монгол Улсын Засгийн газарт холбогдуулан “Засгийн газрын 2021 оны 6 дугаар сарын 23-ны өдрийн 171 дүгээр тогтоолын 2 дахь заалтын “хурдан морины уралдаан” гэх хэсэг, 3 дахь заалтыг бүхэлд нь хүчингүй болгуулах” шаардлага бүхий нэхэмжлэлийг 2021 оны 06 дугаар сарын 29-ний өдөр гаргасан.
Тус шүүхээс 2021 оны 06 дугаар сарын 30-ны өдөр захиргааны хэрэг үүсгэж, хэрэг хянан шийдвэрлэх ажиллагаа явуулж байгаа бөгөөд нэхэмжлэгчээс “захиргааны актын биелэлтийг түдгэлзүүлэх” хүсэлт гаргасныг 2021 оны 07 дугаар сарын 06-ны өдөр хэлэлцэхээр товлон, хэргийн оролцогч нарт албан бичгээр мэдэгдсэн талаар Нийслэл дэх захиргааны хэргийн анхан шатны шүүхээс мэдээллээ.
22°C
Сэтгэгдэл (14)