Сэлэнгэ аймгийн Ерөө сумын Бугант тосгон Эрээн гол гэдэг газарт самарт явсан 33-58 насны гурван эмэгтэй, нэг эрэгтэй алга болоод 18 хонож байна. Тухайн газарт машин, морь явах боломжгүй, нисдэг тэрэг нисгэх боломжтой юм байна.Ар гэрийнхэн нь ОБЕГ, ЦЕГ-т хандахад нисдэг тэрэг нь нэг цагийн гурван сая төгрөгийн өртөгтэй гэх шалтгаанаар хайлт хийхгүй, дараа ир гэдэг тайлбарыг хэлдэг байна. Ар гэрийнхэн нь мөнгө нийлүүлж хувийн нисдэг тэргээр таван удаагийн нислэг хийлгээд ч олдоогүй байна .Харин ОБЕГ-аас “гурван хүний багтаамжтай жижиг нисдэг тэрэг нэг цаг нисгэхэд 4,5 сая төгрөг, том буюу найман хүний багтаамжтай нисдэг тэрэг нь хамгийн багадаа 16 сая төгрөг гэх тайлбарыг хэлдэг талаар ар гэрийнхэн нь хэлж байна. Жижиг нисдэг тэрэг дөрвөн цаг хөлслөхөд ойролцоогоор 20 гаруй сая төгрөг шаардлагатай учир сайхан сэтгэлт иргэдээсээ ар гэрийнхэн нь тусламж хүсээд байгаа юм. Тэгвэл зариг.мн сайтаар өчигдөр /2021.07.20/ оройн 21:20 минутад цацагдсан шууд
дамжуулалтаас хойш өнөөдөр /2021.07.21/ 15 цаг хүртэлх хугацаанд 9 сая 622 мянган 658 төгрөг цуглаад байна. ЗХЖШ-аас гаргаж буй нисдэг тэрэгний зардлыг ар гэр нь хариуцах учраас ийнхүү хандив цуглуулаад байгаа юм.
Тодруулбал өнөөдөр Заригийн сурвалжилга үр дүнд хүрч ЦЕГ-аас ОБЕГ-т дөрвөн иргэнийг хайхад агаарын буюу онгоцоор дэмжлэг үзүүлэх хүсэлт тавьснаар ОБЕГ-аас ЗХЖШ-ын 303 дугаар ангиас нисдэг тэрэг гаргаж, хайлтыг хийхээр болсон юм.
Сэтгэгдэл (0)
Сэтгэгдэл бичигдээгүй байна