Олимпын наадамд анх удаагаа оролцож буй сагсан бөмбөгийн 3х3 эмэгтэй шигшээ баг өнөөдрийн хоёрдахь тоглолтоо дөнгөж сая Францын шигшээ багтай хийлээ. Тоглолт 22-18 харьцаатай Францын шигшээ багийн ялалтаар өндөрлөсөн байна. Манай шигшээ багаас М.Цэрэнлхам, О.Хулан нар тус бүр 7 оноо авсан бол Э.Чимэддолгор 4 оноо авчээ. Манай 3х3 сагсан бөмбөгийн эмэгтэй шигшээ баг олимпын наадмын сүүлийн тоглолтоо маргааш Хятадын эсрэг хийснээр тэмцээнээ дуусгана. Олимпын наадмын эмэгтэй 3х3 сагсан бөмбөгийн төрөлд дэлхийн 200 гаруй улсаас ердөө 8 улс оролцож байгаа бөгөөд хэсгээс эхний 2 баг шууд хагас шигшээд өрсөлдөх бол 3-6-р байранд шалгарсан багууд хагас шигшээгийн төлөө тоглоно.
Сэтгэгдэл (0)
Сэтгэгдэл бичигдээгүй байна