Олон улсын хэмжээний мастер Ц.Цогтбаатар Токио 2020 олимпын наадмаас жүдо бөхийн -73 килограммын жинд хүрэл медаль хүртлээ. Ийнхүү манай улс тус олимпоос хоёр дахь медалиа өвөртлөөд байна.
Ц.Цогтбаатар хүрэл медалийн төлөө Канадын Артур Маргелидоныг ялж, хүрэл медаль хүртлээ.
Ц.Цогтбаатар: “Энэ медалийг авсандаа миний сэтгэл дүүрэн байна. Тэнгэрт байгаа аав, саяхан мэндэлсэн хүүдээ, ханьдаа, намайг төрүүлж өсгөсөн ээждээ, бяцхан хүүдээ, анхны багш, та бүхэндээ баярлалаа. Өнөөдрийг хүртэл миний зорьсон зүйл үүгээр зогсохгүй. Миний оргил хаана байгааг би өөрөө тогтоохыг хүсч байна. Токиод ирэхдээ би өөрийнхөө биеийг 100 хувь бэлэн байдалтай авчирсан. Хэнтэй ч таарсан ялна, олимпын аварга болно гэсэн зорилготой ирсэн. Тусалж дэмжсэн бүх хүмүүс, анхны багш Ц.Шийрэв багшдаа, төрүүлж өсгөсөн ээждээ, аавдаа, хайртай ханьдаа, бүгдэд нь дахин баярлалаа. Нэрийг нь дурьдах маш олон хүн миний ард байгаа. Маш их баярлалаа. Би чадсандаа баяртай байна" гэлээ.
Сэтгэгдэл (0)
Сэтгэгдэл бичигдээгүй байна