ЦЕГ-ын АБХ-н дарга, цагдаагийн хурандаа Д.Манлайбаатар: Өчигдөр 21:00 цагийн орчимд твиттерийн Г.Б хуудаснаас цагдаагийн алба хаагч иргэний эрх чөлөөнд халдаж байгаа үйлдлийн нэг минут 5 секундийн бичлэг цацагдсан. Энэхүү бичлэгтэй холбогдуулан Цагдаагийн байгууллагын удирдлагаас хойшлуулшгүй арга хэмжээ авах үүрэг өгч, урд шөнө ажиллалаа. Бичлэгээр энэ үйлдэл тогтоогдсон.
Тодруулбал, 2019 оны хоёрдугаар сарын 25-ны 03:01 цагт цагдаагийн байгууллагад ирсэн Улаанбаатар их дэлгүүрийн хойд талд байрлах баарнаас төлбөр тооцоо хийхгүй маргаан үүсгээд байна гэсэн дуудлагаар үүрэг гүйцэтгэж байсан цагдаагийн эргүүлийн алба хаагчид очиж ажилласан. Ингэж ажиллахдаа цагдаагийн алба хаагчид тодорхой хэмжээний зөрчил үйлдэж иргэний эрх чөлөөнд халдсан нь тогтоогдсон.
Сэтгэгдэл (0)
Сэтгэгдэл бичигдээгүй байна