Мэргэжлийн хяналтын ерөнхий газрын харъяа Үндэсний лавлагаа лабораторийн эрэгтэй ажилтан тухайн газарт ажилладаг ажилтан эмэгтэйг ажлын байран дээр нь хүчиндсэн гэх хэргийн талаар бид мэдээлсэн.
Тэгвэл энэ хэргийн талаар Үндэсний лавлагаа лабораторийн захирал Б.Амараас тодруулахад: "Уг хэрэг нь 18 хоногийн өмнө болсон. СБД-ийн цагдаагийн нэгдүгээр хэлтэст шалгагдаж байгаа.Тухайн ажилтанг ажлаас нь чөлөөлсөн" гэв.
Бид энэ асуудлаар ЦЕГ-ын хэвлэл мэдээллийн төвийн ахлах мэргэжилтэн н.Билгүүнээс тодрууллаа.
Тэрбээр: "2021 оны наймдугаар сарын 19-ны өдөр ХУД-ийн 20-р хороо МХЕГ-ын харъяа хүнсний аюулгүй байдлын үндэсний лавлагаа лабораторид тухайн байгууллагад ажилладаг иргэнээс мөн тус байгууллагад ажилладаг иргэн "хүчиндүүлсэн" гэх өргөдөл гомдлыг ХУД дэх Цагдаагийн газрын нэгдүгээр хэлтэст өргөдөл гаргасан. Урьдчилсан байдлаар тухайн этгээдүүд ажлын байран дээрээ архи согтууруулах ундаа хэрэглэсэн байж болзошгүй гэдэг нөхцөл байдал урьдчилсан байдлаар тогтоогдсон. Энэ сарын 07-ны өдөр Эрүүгийн хуулийн тусгай ангид заасан "хүчиндэх" гэмт хэргийн зүйл заалтаар хэрэг бүртгэлтийн хэрэг нээн шалгах үйл ажиллагааг ХУД дэх Цагдаагийн нэгдүгээр хэлтэст шалгаж байна" гэв.
Сэтгэгдэл (0)
Сэтгэгдэл бичигдээгүй байна