"Ноёд" группийн Ерөнхийлөгч Г.Буяндорж, МУГЖ Т.Ариунаа нар прокуроруудын авлигын сүлжээг илчилж, хугацаагүй суулт зарлаж байгаагаа мэдэгдлээ.
МУГЖ Т.Ариунаа: Шудрага ёс тогтоож хэзээ энэ хүмүүстээ хариуцлага тооцох хүртэл бид нар тэмцэх болно. Бүлэглэн зохион байгуулалттайгаар, судалж байгаад орж ирсэн учраас энэ нь эдийн засгийн хамгийн том хэрэг. Хэзээ биднийг хувийн амьдралд минь оруулах хүртэл нь хонгилын прокуроруудтай тэмцэх болно.
Г.Буяндоржийн мэдээлснээр 2011 оноос хойш надад Шан Ду Шэнь гэдэг хүний гомдлоор эрүүгийн хэрэг үүсгэн шалгаж эхэлсэн. Тухайн хүн 2014 онд Монгол Улсаас гарсан байдаг. Энэ хугацаанд тус хэрэгт холбогдох давхардсан тоогоор 16 удаагийн шүүх хурал болсны эцэст Улсын дээд шүүхээс энэ хэргийн хохирогч нь Шан Ду Шэнь биш хэмээн дүгнэсэн. Тиймээс 2020 оны дөрөвдүгээр сард хэргийг мөрдөн байцаалтад буцаасан. Товчхондоо хэрэг шалгалтын үйл ажиллагаанд хяналт тавьсан прокуроруудын буруутай үйлдэл гэж Дээд шүүх үзсэн. Тухайн үед хил хаалттай байхад
шүүх хурал дээр Шан Ду Шэнь нь гэнэт Монгол Улсад нэвтэрч, дөрвөн өмгөөлөгчийн хамт шүүх хуралд оролцсон. Өөрөөр хэлбэл, Шан Ду Шэнь нь Хятадаас Монголын прокуроруудыг удирддаг гэж хардаж байна хэмээн мэдээлж байсан билээ.
Сэтгэгдэл (0)
Сэтгэгдэл бичигдээгүй байна