2022/01/26
USD 2,811

Анхааруулга: Баавгай адуу идэж, бамбарууш суурьшлын бүс рүү оржээ

Н.Мичидмаа
2021/09/29

2021 оны 09 дүгээр сарын 22-ны өдөр Завхан аймгийн Баянтэс сумын Бужир багийн нутаг “Бужирын дөрөлж”-д баавгай адуу идсэн, 09 дүгээр сарын 25-ны өдөр Тосонцэнгэл сумын Оргих багийн малчин “Улаан нүүр” гэдэг газар баавгай харсан, 09 дүгээр сарын 27-ны өдөр Сонгино сумын Баян-Айраг багийн “Хүйтэн сээр” гэдэг газар баавгайн хоёр бамбарууш орж ирсэн зэрэг мэдээлэл аймгийн Онцгой байдлын газарт ирсэн байна.

Энэ нь хөрш зэргэлдээ ОХУ-д их хэмжээний ойн түймэр гарсантай холбоотойгоор идэш, хоол хайж яваа баавгайнууд байж болзошгүй. Иймд малчид, ард иргэд та бүхэн:

-Малд явахдаа анхаарал болгоомжтой байж, өндөр настан, хөгжлийн бэрхшээлтэй иргэн, бага насны хүүхдийг малд явуулахгүй байх

-Жимс, самранд явахгүй байх, хээр хөдөө, ойн сав бүхий газар хонохгүй байх

- Баавгай тааралдвал айлгаж цочоохгүй байхыг аймгийн Онцгой байдлын газраас онцгойлон анхааруулж байна.

Ташрамд дурьдахад, баавгай нь махаар хоолшдоггүй, заавал самар, жимс, ургамлын гаралтай хоол тэжээлийг хольж иддэг. Самар, жимс ховор ургасан үед өлссөн баавгай улаан шоргоолжны үүр ухаж эхэлдэг байна. Улаан шоргоолжинд алдегид хэмээх спирт байдаг бөгөөд түүнд согтсон баавгайг “Хорхойтсон баавгай” гэдэг аж. Ийнхүү согтсон баавгай хаашаа ч хамаагүй тэнэж хүн, амьтанд халдах тохиолдол гарч байжээ.

Эх сурвалж: Завхан аймгийн Засаг даргын тамгын газар


Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.182.55
neleed udaj baij zugshireh baih daa.ug suuri ih muutai bolohooor.
Хариулах
66.181.183.68
Өнөрцэцэгээ анхаар. над сайтынхаа хэл найруулга утгын алдааг засаж сайжруулбал улам сайн болно амжилт хүсэе
Хариулах
66.181.183.68
энэ Мичидмаа гэгч яасан мэдлэг сул хүн бэ. монголоор монгол хүн биш монгол хэлийг муухан сурсан гадаадын хүн ярьж бичиж байгаа мэт дандаа ийм байх юм ичиг ичиг ичиг...
Хариулах
66.181.161.120
"Баавгай адуу барьсан" гэж ярьдаг болохоос "идсэн" гэдэггүй юм. Баавгай амьтныг бариад (алаад) идсэн ч байж болно, идэлгүй нөөцлөөд орхисон ч байж болно??
Хариулах