АНУ-ын дипломатууд, тагнуулчид гадаадад ажиллах томилолтоос татгалзах болжээ

Н.Мижидмаа
2021/09/29

АНУ-ын ТТГ нь Серб улсад ажиллаж байсан нэгэн ажилтнаа яаралтай нутаг буцаах шаардлагатай болсон байна. Гэхдээ Америкийн тагнуул илчлэгдсэн учраас бус харин “Хавана хам шинж” гэж нэрлэгдсэн учир битүүлэг мэдрэлийн өвчний шинж тэмдэг илэрсэн учраас ийнхүү яаралтай нутаг буцаасан тухай “The Wall Street Journal” мэдээлжээ.

  Энэ болон бусад тохиолдлоос үүдээд Америкийн дипломатчид, тагнуулчдын эсрэг хийдэг дайралт сүүлийн үед эрс нэмэгдсэн гэсэн дүгнэлтийг холбогдох албаны хүмүүс хийж байгаа юм байна. “Хавана хам шинж”-ийн талаар Америкийн Засгийн газарт зөвлөгөө өгдөг Жоржтауны их сургуулийн мэдрэл судлалын профессор Жеймс Жордано нь сүүлийн 90 хоногийн хугацаанд энэ нууцлаг өвчний дайрлагын тоо олширсон гэж “The Wall Street Journal”-д ярьсан байна. Энэхүү хам шинж нь хүний эрүүл мэндэд бодитоор хор хүргэдэг гэдгийг эдгээр тохиолдлууд баталж өгсөн гэж профессор ярьсан байна.

  “Хавана хам шинж” нь хилийн чанадад ажилладаг Америкийн дипломатууд, тагнуулчдад илэрдэг гэж саяхныг хүртэл үзэж байсан юм. Гэтэл энэ дөрөвдүгээр сарын сүүлээр Майами дах төрийн албаны 60 гаруй ажилтанд “Хавана хам шинж” илэрсэн. Мөн энэ өвчний дайрлага нь Куба, Серб гэх мэт Засгийн газар нь АНУ-ын эсрэг байр суурьтай улс орнуудад ажиглагддаг гэж үзэж байтал хэдэн сарын өмнө Австрийн нийслэл Вена хотод ажиллаж байсан Америкийн дипломатуудаас илэрсэн. Ингэснээр “Хавана хам шинж” өвчний тархалтад ямар нэг хил хязгаар, улс орны онцлог огт хамаагүй болох нь тогтоогдсон. Гэсэн хэдий ч сонин хэвлэлээр энэ талаар янз бүрийн мэдээлэл тархаж байгаагаас болоод сүүлийн үед АНУ-ын дипломатчид, тагнуулчид хилийн чанадад ажиллах томилолтоос татгалзах болсон гэдгийг албаны хүмүүс онцолсон байна.

  Анх 2016 онд Кубын нийслэл Хавана дах Америкийн ЭСЯ-ын газрын ажилтнууд нь гэнэт дүлийрэх, дотор муухайрах, толгой нь хүчтэй өвдөх, тэнцвэрээ хадгалж чадахгүй болох гэх мэт шинж тэмдэг илэрч байгаа талаар олноороо гомдол мэдүүлж эхэлсний дараа судлаачид “Хавана синдром” гэгч мэдрэлийн нууцлаг өвчний тухай ярих болсон. Америкийн дипломатчид амьдардаг орон байрыг Кубын сөрөг тагнуулын албанаас нууцлаг төхөөрөмжийн ялгаруулдаг дуу авиагаар сэм дайралт хийж байж магадгүй гэсэн таамгийн дэвшүүлж байсан. Удалгүй мэдээллийн хэрэгслүүд энэ талаар янз бүрийн таамаг дэвшүүлж Кубын сөрөг тагнуулчид улиг домог болсон Оросын ГРУ-ийн ажилтнууд нууц төхөөрөмж ашиглаж байгаа эсвэл Хятадын нууц албаныхан төхөөрөмж туршсан гэх мэт дуулиантай таамгуудыг гарган дуулиан тарьж, олны анхаарлыг татах болсон юм.

  Тухайн үед “Associated Press” агентлаг Америкийн дипломатуудад “Хавана синдром”-ын шинж тэмдэг илрэхэд хүргэж байгаа нөгөө нууцлаг дуу авианы бичлэгийг олж авсан бөгөөд түүниг “самбарыг хумсаар маажихтай зэрэгцээд хүрэлзгэнийн гаргадаг өндөр давтамжтай дуу авиа сонсогдсон” гэж тодорхойлж байсан юм.

 


0
angry
0
care
0
haha
0
liked
0
love
0
sad
0
wow

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
180.149.93.98
2021/09/30
0
0
хохь чинь. т1 байсандаа гомд, угаасаа тодорхой юман дээр Монгол ялна гээд тэнэгтэцгээгээд байсан
Хариулах
37.120.217.118
2021/09/29
0
0
РАДИО ДОЛГИОН ЗЭВСЭГ АЛЬ ЭРТНЭЭС Л СОНСОГДОЖ БАЙСАН БАТТУЛГЫГ ЯГ ИНГЭЖ АШИГЛААД ТӨМӨР ЗАМ ГАЦААСАН БАЙХ ОДОО ОРОС Л НҮҮРСЭЭ АМЖИЛТТАЙ САЙН ЗАРААД ОРОС ЯЛААД БН МОНГОЛ ХОШНОГО БАЗААД НҮҮРСЭЭ ХЯТАДАД ЗАРЖ ЧАДКУ БНШД ЯМАР ИХ ИТГЭЖ СОНГОСОНДОО ХАРАМСААД БАРАХГҮЙ ЮМДАА
Хариулах
Шинэ мэдээ
Хараа голд хаягдал усаа шууд нийлүүлж байсан амралтын газрын үйл ажиллагааг түр зогсоожээ 11 цагийн өмнө
Н.Энхшүр: Нэг гэрээс хоёр хүн дэлхийн рекордыг байнга эвдээд байхаар олон улсын шүүгчид гайхдаг 12 цагийн өмнө
Нийслэлийн цэцэрлэгийн хамран сургах тойргийг танилцуулж байна 12 цагийн өмнө
Яармагийн нүхэн гарцыг угсарч дууссан тул замын хөдөлгөөнийг маргааш нээхээр төлөвлөж байна 13 цагийн өмнө
Л.Энх-Амгалан: Замын төлбөрийг галын хайчаар биш цахимаар авдаг болно 14 цагийн өмнө
ШТС-ууд ариун цэврийн байгууламжаа өөрчлөх шаардлагатай байна 14 цагийн өмнө
Төсөл гацаагчид 12 жил хоригдох буюу гацаасан төслийнхөө өртгийг төлөх торгуульд унадаг болно 14 цагийн өмнө
Л.Мөнхбаатар: Төр захиргааны зарим байгууллагыг Хөшигийн хөндий рүү нүүлгэх ЗГ-ын тогтоол эцэслэн батлагдлаа 15 цагийн өмнө
Иргэн Б: Хоёр хүүхдийнхээ тэжээгчээ алдсаны тэтгэмжээр сургалтын төлбөрийг нь төлдөг. Гэтэл банк зээл хязгаарлаж байна 15 цагийн өмнө
Б.Баасанцогтыг хуулийн байгууллагаас шалгасны дагуу баривчилжээ 15 цагийн өмнө
Э.Одбаяр: НҮБ-ын ЕНБД айлчилсан нь манай улсын олон улсад эзэлж буй байр суурь, нэр хүндийг бататган харууллаа 16 цагийн өмнө
Туул голоос нэр, оршин суух хаяг тодорхойгүй эрэгтэй хүний цогцос олджээ 16 цагийн өмнө
Хариуцлага алдсан Нийслэлийн МХГ-ын дарга Б.Батшагай нарыг чөлөөллөө 17 цагийн өмнө
Эмээлт дэх зарим үйлдвэрийн 220 тонн махнаас эмгэг төрүүлэгч нян илэрсэн ч устгалд оруулалгүй хадгалсаар байна 17 цагийн өмнө
Өнөөдрөөс цэцэрлэгийн бүртгэл эхэллээ 19 цагийн өмнө
Төвийн аймгуудын нутгаар дуу цахилгаантай аадар бороо орно 19 цагийн өмнө
Эгийн голын усан цахилгаан станцын төсөлд НҮБ дэмжлэг үзүүлэхээ илэрхийллээ 19 цагийн өмнө
Засгийн газрын ээлжит хуралдаан болж байна. 19 цагийн өмнө
Улаанбаатарт 24 хэм дулаан 19 цагийн өмнө
Асран хамгаалагчид 9-р сарын 1-н гэхэд оршин суугаа хаяг дээрээ бүртгэлээ хийлгэхийг санууллаа Өчигдөр