2021/11/30
USD 2,811

Ц.Эрдэнэбаяр: Шатахууны хомсдол үүсэхгүй гэдгийг хариуцлагатай мэдэгдэж байна

Н.Мичидмаа
2021/10/06

Шатахуун импортлогч зарим компани газрын тосны бүтээгдэхүүний хязгаарлалт хийж, АИ-92 автобензиний хомстол үүсч болзошгүй нөхцөл байдал үүссэн мэт ташаа мэдээлэл өчигдөр буюу 2021 оны 10 дугаар сарын 05-ны өдөр олон нийтийн сүлжээгээр цацагдсан. Үүний улмаас шатахуун түгээх станцуудад зохиомол хомсдол үүсч, иргэдийг бухимдуулж байна.

Газрын тосны бүтээгдэхүүн, АИ-92 автобензиний нийлүүлэлт хэвийн буй бөгөөд 9 дүгээр сарын 27-оос 10 дугаар сарын 02-ны өдрүүдэд ОХУ болон БНХАУ-аас нийт 11,704 тонн АИ-92 автобензин импортолсон. Мөн импортлогч компаниуд 10 дугаар сард ОХУ-аас нийт 54,880 тонн АИ-92 автобензин, БНХАУ-аас 12,700 тонн АИ-92, АИ-95 автобензин худалдан авах захиалга өгч баталгаажуулаад байгаа юм.
Захиалгын дагуу ОХУ, БНХАУ-аас импортолж буй АИ-92 автобензиний тээвэрлэлт, татан авалтыг төлөвлөсөн хуваарийн дагуу гүйцэтгэж, төмөр замын тээвэрлэлтийг саадгүй зохион байгуулж буй. Тухайлбал, 10 дугаар 02-05-ны өдрүүдэд ОХУ-аас нийт 33 вагон 2,000 тонн АИ-92 автобензин ачигдсан бол 10 дугаар сарын 06 -10-ны өдрүүдэд ОХУ-аас 35 вагон, БНХАУ-аас 100 вагон нийт 5,000 тонн АИ-92 автобензин импортоор орж ирнэ. Цаашдаа манай улсын гол нийлүүлэгч ОХУ-ын Ангарскийн газрын тос боловсруулах үйлдвэрийн засварын ажил дуусч, үйл ажиллагаа жигдэрснээр өдөр бүр 2,400 тонн АИ-92 автобензин импортолно.

10 дугаар сард нийт ОХУ, БНХАУ-аас 57,600 тонн АИ-92 автобензин импорлтох буюу манай улсын ердийн хэрэглээний 45 хоногийн нөөц бүрдэх юм.
БНХАУ, ОХУ-аас импортолж буй АИ-92 автобензинийг төмөр замын хуваарьт оруулах, төмөр замын тээвэрлэлтийг саадгүй, шуурхай гүйцэтгэх, Сүхбаатар, Замын-Үүд боомтоор яаралтай татан авах асуудлаар Уул уурхай хүнд үйлдвэрийн яам, Гадаад харилцааны яам, Зам, тээврийн хөгжлийн яам, Монгол Улсаас ОХУ, БНХАУ-д суугаа Элчин сайдын яамд, Улаанбаатар төмөр зам, “Шингэн түлш шилжүүлэн ачих байгууламж” ТӨҮГ болон бусад холбогдох байгууллагуудтай хамтран, холбогдох арга хэмжээг авч, шуурхай ажиллаж байна.

Шатахууны импорт, хангамж хэвийн түвшинд хүрч, есдүгээр сард үүссэн АИ-92 автобензиний нөөцийн бууралтыг нөхөж, улмаар нөөцийг нэмэгдүүлэх арга хэмжээг зохион байгуулж буй бөгөөд шатахууны тасалдал, хомстол үүсэх нөхцөл байдалд хүрээгүй болохыг үүгээр мэдэгдэж байна.



Сэтгэгдэл (6)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
139.5.219.110
Энэ нөхөр ч худалч золиг доо. ТВ-н камер руу эгц харж байгаад л худлаа залдаг хүн
Хариулах
66.181.178.231
Энэ дурак л ажлаа хийж чадахгүй байгаагаас иймэрхүү асуудал үүс ч байгаа юм бас л нэг цүнк баригч биз
Хариулах
202.126.89.207
Ene ulaanaa uls dayar ni huurch chadsan shildegeer shalgarnaa. Urdnii huuraltaar ni hariutslaga toozson gej bodson ulddeg ih gar bh ni.
Хариулах
49.0.158.86
Өмнө нь бас хариуцлагатайгаар мэдэгдэж байсан хулгайч уу. Зүгээр зайлаач. Ажлаа хийдэг хүнд нь өгчөхөөч
Хариулах
192.82.84.108
Ene neg nohor dandaa hudlaa yarij onigoo bolohiin.
Хариулах
202.126.89.12
baga shaagaarai
Хариулах