Байгаль орчин, аялал жуулчлалын яам “Ойн салбарын үндэсний чуулган”-ыг 7 хоног амжилттай зохион байгуулж өнөөдөр үндсэн чуулганаа хийлээ.
Монгол Улсын Ерөнхийлөгч У.Хүрэлсүхийн ивээл дор “Тэрбум мод” үндэсний хөдөлгөөнийг орон даяар амжилттай хэрэгжүүлэхийн тулд салбарын эрдэмтэн мэргэд, мэргэжилтэн судлаач, ойн аж ахуй эрхлэгчид болоод салбар хоорондын зохицуулалтыг хангах зорилгоор дөрвөн салбар хуралдаанд цахимаар болон биечлэн 1000 гаруй төлөөлөл оролцсон. Салбар хуралдаануудаас гарсан нэгдсэн зөвлөмжийг үндсэн чуулганд Байгаль орчин, аялал жуулчлалын сайд Н.Уртнасан танилцууллаа.