Дорнод, Хэнтий, Сүхбаатар аймгуудад үхрийн товруутах өвчин гарч нийт 1700 гаруй үхрийг устгалд оруулаад байна

ХХААХҮЯ-аас өнөөдөр /2021.11.16/ цаг үеийн асуудлаар мэдээлэл хийлээ. Энэ үеэр зүүн гурван аймаг болох Дорнод, Хэнтий, Сүхбаатар аймагт үхрийн товруутах өвчин гарсан талаар мэдээлсэн юм. Дорнод аймагт 1500 гаруй үхэр өвчилсөн бөгөөд эдгээр малыг устгалд оруулсан байна. Харин малчдад нөхөн олговор олгох асуудлыг УОК-т танилцуулж, зах зээлийн ханшийн 80-90 хувиар тооцож олгоно хэмээсэн юм.